Description:

‏مرحبا أنا اسمي رجاء قداح أنا من بانياس من حي القصور أنا عندي أخواتي ساكنين معي بنفس البيت هي عبارة عن بناية فيها أربع شقق ..واحد عمره 76 سنة واحد عمره 67 سنة أج الفصائل دخلوا لعند أخوي الأولاني اللي هو بالطابق الأرضي قالوا لمين هي السيارة عطينا مفتاح السيارة أخوي عطا مفتاح السيارة شو عندك مصاري أخذوا المصاري من عنده زوجته وبناته هذا أخوي عمره 76 وطلعوا على الطابق الثاني كان أخوينا زوجته وبناته كمان قالوا لمن هذه السيارة اللي تحت صافه… قالوا قالوا عطونا المفتاح واعطنا مصاري أعطاه اخوي قالت لهه زوجة اخي خدو كلشي بس اتركونا لحالنا فقال لها اسكتي أحسن من صفيكم يعني يقتلوهم فقال له اخي لا يا عم ما بصير يا عمو راح شحط أخوي وشحط أخوي الثاني على الشقة وسكر الباب ما في دقائق قوصوهم و قتلوهن دقائق ومع ومع هذا كله لم يسمح أبدا أبدا احدا يقرب على بيت إخواتي وظلو اخوتي يومين في البين وهم مقتولين كمان كمان عندنا جيران واحد عمره 45 سنة مع ابنه عمره 20 سنة قتلوهم كمان قتلوا عيله كاملة عبارة عن شخص وسبع أطفال وامراة بأي حق بأي قانون وبأي عدل يأتوا يقتلو أشخاص كبار بالعمر ما علاقة بأي شيء وبأي وبأي نظام وعدل وهماا ما عملوا شي نهائيا إلاهن الكبار بالعمر أنا عم بكتب قصتي لحتى توضح المعلومات اللي صايرة أنا أخوي ما عنده راتب ماعنده عمل والثاني عنده راتب تقاعدي يعني أنا لو ما أنا ببعت لهم من كندا ما بيقدروا يعيشو أنا بس بدي العدالة قال هذا الرئيس الجديد أحمد الشرع رحنا بدنا نسامح وين التسامح وين التسامح بهذا الموضوع وين التسامح أنت لما بلشت واستلمت قلت في تسامح وين التسامح ايش معنى يجيبوا أشخاص من الشيشان وأفغانستان من مصرليقتلو الناس البريئة أين هو العدل العدل و الأمن وين النظام لهلأ أنا عم بسمع تقريبا 2000 شخص 2500 شخص قد ماتوا أرجو النظر ومتابعه هذه الفئة الاقليه من الطائفة العلويه أرجو المساعده والمحاسبه علا كلمن تلوثت أيديهم بالدماء